Бала тәрбиесінде жетістікке жету үшін мектеп пен отбасы тығыз байланыста болуы керек. Байланыс өз жемісін беруі үшін, баланың жанына жақын адамдардың нағыз Ана, нағыз Әке болуы маңызды.Төмендегі заңнамалар сіздерге жақсы ата-ана болуға, өз балаларыңызды жақсы көруге және олардың махаббатын бағалауға көмектеседі деп ойлаймын.
Ата-ана шындығының заңнамасы
1 Заң
Өз балаңыздың махаббатын бағалаңыз. Жақсы көру мен жек көрудің арасы бір ғана қадам екенін естен шығармаңыз. Кері әсерін тигізетін істер жасамаңыз!
2 Заң.
Өз балаңызды төмен түсірмеңіз. Оны төмен түсіре тұра, баланың басқа адамдарды төмендетуіне жол саласыз және ол адам сіз болуыңыз да әбден мүмкін.
3 Заң.
Балаңызға қоқанлоқы көрсетпеңіз. Ересек адамның мұндай қадамы баланың өтірік айтуына, қорқақтыққа және жек көрініштікке алып келеді.
4 Заң.
Тыйымдарды жүктемеңіз. Табиғатта – көтеріліс рухы бар. Мүлдем болмайтың затты, баланың жасағысы келетіні сөзсіз. Осыны ұмытпаңыз!!
5 Заң.
Қорғаншылық көрсетудің қажеті жоқ жерде, балаңызды қорғамаңыз. Кішкентай балаңыздың өз бетімен өсуіне мүмкіндік беріңіз.
6 Заң.
Балаңыздың айтқанын әрқашан жасай бермеңіз. Өз махаббатыңыз және ата-аналық жауапкершілігіңізді сақтауға тырысыңыз!
7 Заң.
Әзілге жақын болыңыз. Өз әлсіз тұстарыңызға күлуді үйреніңіз және балаңыздың сізбен бірге күлуіне себепкер болыңыз. Баланың өзіне күлген адамдардың әрекетін, әзілге айналдыруына түрткі болады.
8 Заң.
Балаңыздың құлақ етін болмайтын әңгімелеріңібен жемеңіз, олар оны бәрібір естімейді.
9 Заң.
Өз талаптарыңызды әрқашан орнымен қойыңыз. Өзіңіздің «иә», «жоқ» деген сөздеріңізді анық біліңіз.
10 Заң.
Балаңызды бала болу құқығынан айырмаңыз. Ерке, тентек болуына бөгет жасамаңыз. Балалық шақ жылдам өтіп кетеді. Өскенше барлық қызықты көруіне себепші болыңыз.