2023-жылдың наурыз айының 10-21 аралығында «Адамның үйлесімді дамуы ұлттық институты» коммерциялық емес акционерлік қоғамы «Білім беру ұйымдарында зорлық-зомбылықтың алдын алу» атты 80 сағат көлемінде курс өткізді.
Курс келесі модульдерді қарастырды:
- Білім беру ұйымдарындағы зорлық-зомбылықтың аспектілері нормативтік құжаттары
- Білім беру ұйымдарындағы зорлық-зомбылықтың алдын алу контекстіндегі даму мен тәрбиелеудің мазмұны мен тәсілдерін жетілдіру
- Педагогтердің цифрлық сауаттылығы мен ІТ-құзыреттілігін дамыту
- Қорытынды бақылау. Жоба міндеттері мен оны қорғау.
Курс өте қызықты, танымды, құнды өтті. Аз ғана теория мен көлемді тәжірибе тренинг, шеберлік сағат, жаттығулар, ойындар түрінде өтті. «Ата-аналармен отбасындағы қатыгездік пен зорлық-зомбылықтың алдын алу» атты шеберлік сағатымен тәжірибе бөлістім. «Зорлық-зомбылықсыз балалық шақ» атты тақырыпта ұжымдық жоба қорғадым.
Курс қорытындысы бойынша қосымшасы бар сертификат пен тәжірибе бөліскенім үшін анықтама қағазы берілді.
Педагог-психолог Рыспаева А.К.
